“๐๐๐๐๐๐๐ ๐๐ ๐๐๐๐๐๐๐ ๐๐๐ ๐๐๐๐๐๐ ๐.๐”
“BHAGWAN KE
ASTITVA PAR SAWAAL 3.0”
“๐๐ข๐ด๐ต๐ช๐ฌ ๐๐ข ๐๐ฏ๐ต๐ช๐ฎ ๐๐ณ๐ข๐ฏ๐ข๐ข๐ฎ — ๐๐ช๐ณ๐ง ๐๐ข๐ข-๐๐ข๐ฑ๐ข ๐๐ช ๐๐ฉ๐ถ๐ด๐ฉ๐ช ๐๐ฆ ๐๐ข๐ข๐ฎ”
Pal beet gaye, saal bhi guzarte gaye,
Khwabon ke jharokhe kab ke toot gaye.
Waqt ki rait ungliyon se fisalti rahi,
Aur yaadein — chingaari ban kar jalti rahi.
Ek silsila tha yakeen ka... ab sirf yaadein hain,
Jahan kabhi bhagwan tha, ab sirf saayein hain.
Dil mein basa tha uska mandir, ab wahi veeraan hain,
Jis roshni mein jeeta tha, wo ab kahaan hain?
Kabhi mandir ke kone mein baith ke rota tha,
Aasman ki taraf dekh kar kuch poochta tha.
Aaj woh pooja bhi sirf ek rasam-o-rivaj si lagti hain,
Us bhagwaan ki soorat bhi ab bas ek tasveer si dikhti hain.
Main nahi maanta, ab koi bhagwan,
Dil ke mandir mein hai ab khaali-sa maidan.
Kabhi yakeen tha, par ab na raha,
Na dua bachi, na aas — sab kuchh thaam-sa gaya.
Ab mandir sirf ek aam imarat-sa lagta hain,
Aur bhagwan, sirf ek khayali rahat-sa lagta hain.
Haath toh jodta hoon, maga dil nahi lagta,
Kehte the woh “shanti”, par andar kuch bhi nahi jagta.
Mandir ke ghaแนญ par chalte kadam, sirf maa-papa ke liye,
Maa ke haathon ka prasad, bina kuch bole le leta hoon,
Papa ke peechhe chup-chaap chal deta hoon.
Unki aankhon mein jo shanti chamakti hai na —
Bas usi ke liye hi, main har baar jhuk jaata hoon.
Dil ke kone mein kuch udaasi si rehti hain,
Ab har moorat bas pathar si lagti hain.
Na koi roshni, na hi koi awaaz ka ehsaas,
Bas andheron mein chhupa hua ek bejaan raaz.
Bachpan mein jis moorat se baatein ki thi,
Aaj usi moorat ko sirf khamoshi de di.
Kabhi haath jodta tha, kach aas ke sath,
Aaj sirf aankhen band karta hoon, magar bina ehsaas ke
sath.
Zindagi kabhi ek ibadat thi, magar ab ek imtihaan hain,
Har mod par sirf chubhan aur pareshaniyaan hain.
Muskurahat bhi ab to ek naqaab si lagti hai,
Aur saans bhi jaise kisi sazaa ka hisaab si lagti hai.
Main nastik ho gaya hoon— kehna to aasan hain,
Par andar se toota hoon, yeh kisne jaanna hain?
Main woh nastik hoon, jo bhagwan ke ghar jata hain,
Par us se milne nahi, sirf rishton ko nibhane ke liye.
Maa ke muskaan ke liye, papa ke vishwas ke liye.
Bhagwan se mera rishta tha kabhi rooh ka,
Aaj woh bhi ban gaya hai sirf door ka.
Khud se gila hai;
Khuda se koi shikwa nahi,
Bas hairaani hai... ki pehle kyun itna vishwas kiya,
Jab zarurat thi sabse zyada — tab usne mera sath nahi diya.
Chup rehkar main pooja mein haath jodta hoon,
Par andar hi andar
sirf aansoon ko tolta hoon.
“Iman” ka matlab ab main bhool chuka hoon,
Bas waqt ke saath hi ab main beh raha hoon.
“Tu hai bhi ya nahi?” — yeh sawal bhi ab nahi poochhta,
Bas zindagi ki bheed mein tujhse bhi mooh mod chuka hoon.
Zehar hai ya zindagi? Farq ab mehsoos nahi hota,
Raat bhar neend nahi aati, aur subah kuch roshan nahi hota.
Mere jeevan se ujaala toh kab ka bujh chuka hain,
Bas ek rooh hi bachi hai — jo khud se hi khafa hain.
Mann ke mandir mein hai ab sirf khaamoshi hain,
Na ghanti, na
aarti, na bhakti ki koi roshni hain.
Par Papa ke “Chal
mandir chal” mein sukoon dikh jaata hain,
Aur Maa ke “Bhagwan
sab theek karega” mein bharosa jhalak jata hain.
Sadiyon se chale aye sawal — ab bhi mere zehan main hain,
“Khuda agar hai, to itni khaamoshi kyun andar hain?”
Aasman tak cheekh gayi har khushi ki laash,
Par upar se aaya
nahi koi jawab — sirf sannata aur khaak.
Aaj bhi jaata hoon
mandir, par aankhon mein imaan nahi,
Sirf maa-papa ki
dua ke liye, varna andar se kuch baaki raha nahi.
Unka bhagwan
unmein zinda hai, pata nahi yeh sach hain ya nahi,
Aur main… bas unki khushi mein apni ibadat rakh deta hoon,
chupke se kahin.
Aur akhir mein bas itna hi kehna hain:
๐๐๐ซ ๐๐๐-๐๐๐ฉ๐ ๐ค๐ข ๐ฆ๐ฎ๐ฌ๐ค๐๐๐ง ๐ฆ๐๐ข๐ง, ๐๐ ๐๐ก๐ข ๐ฉ๐จ๐จ๐ซ๐ ๐๐๐ฌ๐ฆ๐๐ง ๐๐๐ฌ๐ญ๐ ๐ก๐๐ข๐ง.”
— Ek khaamosh vishwasheen insaan ki taraf se —
“Jise bhagwan toh chhod gaya… par Maa-Papa ne kabhi nahi
chhoda.”
— Written from a heart that no longer believes in God
—
Author’s Note:
This
poem is not about disrespecting belief, but about questioning silence in pain —
and ultimately bowing to the only gods I’ve ever seen smile: My Parents.
Comments
Post a Comment